所以有時咱咧教育囡仔，咱愛共呵咾，毋過愛針對伊做，有做好的代誌，咱才來呵咾，毋通烏白呵。人講:「呵咾才袂臭臊。」祖先共咱教這，(家己褒，較袂臭臊)，囡仔就是講愛共教，「囡仔人食褒無驚刀」，變做咱愛共呵咾，伊較好接受啦，毋過嘛袂當烏白褒，你頭仔講:「家己褒，家己著」，「我偌𠢕咧，我提彼枝筆的時陣攏無去予人看著。」(呵咾甲會觸舌)，這个時陣無需要呵咾，這時陣就是按怎?「乞食呵咾好身命」，你明明是乞食，你閣講你身命好，阮厝裡有偌濟田、偌濟錢財，這是毋好啦。